Dagar: 3. - 8. júlí.

Athugið að fyrsti göngudagur er 4. júlí eins og sjá má á glæsilegu auglýsingunni sem Helga Sighvats. teiknaði.

Mæting á Mjóeyri við Eskifjörð. Farið með bíla að Karlsskála við utanverðan Reyðarfjörð þar sem gönguferðin endar.

Gist í svefnpokaplássi á vegum Ferðaþjónustunnar Mjóeyri. www.mjoeyri.is

Farið á einkabílum að Grænanesi í Norðfirði og gengið þaðan yfir Götuhjalla, fyrir Hellisfjörð til Viðfjarðar.

Trússarar flytja farangur frá Mjóeyri til Viðfjarðar.

Gist í svefnpokaplássi í Viðfjarðarhúsinu.

Farið með bát frá Viðfirði út á Barðsnes og tekið land þar.

Gengið frá Barðsnesi og þaðan út á Barðsneshorn. Steingervingar í fjörunni á sunnanverðu nesinu skoðaðir, Rauðubjörg og fl.

Báturinn tekinn til baka frá Barðsnesi inn í Viðfjörð. (Garpar geta gengið/hlaupið í Viðfjörð 7 km)

Gist í Viðfirði.

Gengið frá Viðfirði um Nónskarð, Sandvík og Gerpisskarð til Vöðlavíkur. (Til vara yrði gengið um Dysjarskarð til Vöðlavíkur).

Farangur fluttur frá Viðfirði með jeppum til Vöðlavíkur.

Gist í skála Ferðafélags fjarðamanna að Karlsstöðum í Vöðlavík.

Gengið frá Vöðlavík fyrir Krossanes og að Karlsskála. Hægt að ganga að flaki Henkel 111 þýskrar flugvélar sem er sunnan í Sauðatindi.

Farangur fluttur með bílum frá Vöðlavík til Mjóeyrar.

Bílar sóttir að Grænanesi.

Grillveisla og lokakvöldvaka á Randulffs-sjóhúsi

Gist í svefnpokaplássi á vegum Ferðaþjónustunnar Mjóeyri.

Heimferð